చూడరమ్మ సతులారా సోబాన పాడరమ్మ|
కూడున్నది పతి చూడి కుడుత నాంచారి||
శ్రీమహాలక్ష్మియట సింగారాలకే మరుదు|
కాముని తల్లియట చక్కదనాలకే మరుదు||
సోముని తోబుట్టువట సొంపుకళలకేమరుదు|
కోమలాంగి ఈ చూడి కుడుత నాంచారి||
కలశాబ్ధి కూతురట గంభీరలకే మరుదు|
తలపలోక మాతయట దయ మరి ఏమరుదు||
జలజనివాసినియట చల్లదనమేమరుదు|
కొలదిమీర ఈ చూడి కుడుత నాంచారి||
అమరవందితయట అట్టీ మహిమ ఏమరుదు|
అమౄతము చుట్టమట ఆనందాలకేమరుదు||
తమితో శ్రీవేంకటేశు తానె వచ్చి పెండ్లాడె|
కౌమెర వయస్సు ఈ చూడి కుడుత నాంచారి||